The delegation of the Ministry of Higher Education has successfully returned from the United States

11-12-2024

شاندێ وەزارەتا خواندنا بلند ب سەرکەفتیانە ژ ویلایەتێن ئێکگرتیێن ئەمریکا ڤەگەریان ب مەرەما فێربون و لێکگهورینا پێزانینان شاندێ وەزارەتى خوێندنى باڵاو توێژینەوەى زانستى یێ پێک هاتی ژ رێڤەبەرێن سەنتەرێ گەشەپێدان بۆ کارى و مامۆستایێن زانکۆیێن پولیتەکنیکى ب سەرکەفتیانە ژ ویلایەتێن ئێکگرتیێن ئەمریکا ڤەگەریان ل دور ئەڤێ سەرەدانێ نوینەرێ زانکۆیا پۆلیتەکنیکى یا دهۆک (م. بیوار سلیمان حاجي) رێڤەبەرێ سەنتەرێ گەشەپێدان بو کارى گوت : ل رێکەفتى 10/ 04/ 2023 مە وەک شاندێ وەزارەتا خواندنا بلند و ڤەکولینێن زانستی یێ پێک هاتی ژ رێڤەبەرێن سەنتەرێ گەشەپێدان بۆ کارى و مامۆستایێن زانکۆیێن پولیتەکنیکى سەرەدانا ئەمریکا کڕ، ب مەرەما فێربون و لێکگهورینا پێزانینان لسەر چاوانیا دامەزراندن وبرێڤەبرنا بوردێن راوێژکاریا پێشەسازى (Industry Advisory Boards) بشێوازەکێ کاریگەر و بەردەوام، هەروەسا گەشەپێدانا شیانان و لێکگهورینا پێزانین و شارەزایان دگەل نوینەرێن کەرتێن پێشەسازى، پەیمانگەهێن خواندنا بلند، زانکۆ، و دام ودەزگەهێن حکومى برێیا وورک شوپ و کومبونان و مفا وەرگرتن ژ سەربور و شارەزایێن ویلایەتێن ئێکگرتیێن ئەمریکا و هەروەسا ماموستا بێواری ئەو چەندە ژی دیارکر کو دئەڤێ سەرەدانێ دا شاندنێ وەزارەتێ ب دیتنا چەندین دام و دەزگەهێن حکومى و کەرتێ تایبەت لـ واشنتون و ناشڤێل - تێنێسى ئاشنا بوون و تەکەزی ل سەر وێ چەندێ هاتە کرن کو دامەزراندنا بوردێن راوێژکاریا پێشەسازى دێ بنە ئەگەرێ دروستکرن و بهێزکرنا پەیوەندیێ دناڤبەینا دام و دەزگەهێن وەزارەتا خاندنا بلند، دام و دەزگەهێن حکومى، و کەرتێ تایبەت ژبو گونجاندنا پروگرامێن خاندنێ دگەل پێتڤیێن کەرتێ تایبەت و پێتڤیێن بازارێ کارى، ژبو مفایێن هەڤپشک و پەیداکرنا دەرفەتێن کارى. ل دویماهیێ رێڤەبەرێ سەنتەرێ گەشەپێدانا کاری ل زانکۆیا پۆلیتەکنیکی یا دهۆک گوت : هەر دئەڤێ سەرەدانێ دا مە چاڤ ب نوینەرێن حکومەتا هەرێما کوردستانێ لـ واشنتون کەفت کو ژ (بەیان سامى عبدالرحمان) نوینەرا حکومەتا هەرێما کوردستانێ لـ ویلایەتێن ئیکگرتى یێن ئەمریکا، (دلوڤان بەروارى) رێڤەبەرێ کاروبارێن گشتى و ئەکادیمى، و (تارا هەمەوەندى) رێڤەبەرا ستافى،و دکتور هونەر عیسا سکرتێرێ دەستەیا ئەمینداران لـ زانکۆیا ئەمریکى لـ کوردستانێ، بەرپرسێ پەیوەندیا باوەریپێکرنێ (Accreditation Liaison Officer) کەفت کورولەکێ کاریگەر وبەرچاڤ هەبوو دسەرەدانا مەدا ئەوا بۆ ئێک حەفتی ژلایێ رێکخراوا IREX وبهەڤکارى دگەل کومەلا کولیژ و زانکۆێن سەربەخو لـ ویلایەتا تێنێسى (TICUA) هاتیە رێکخستن، و ل رێکەفتی 2023/4/17 ئەم ب سەرکەفتیانە ژ ئەمریکا ڤەگەریاین و گوت ژی کو دامەزراندنا بوردێن راوێژکاریا پێشەسازى پشکەکە ژ پروگرامێ هەڤپشک یێ وەزارەتا خواندنا بلند وڤەکولینێن زانستی دگەل حکومەتا ویلایەتێن ئێکگرتیێن ئەمریکا، کو ژلایێ بالیوزخانا ئەمریکا لـ بەغدا سپونسەریا وێ دهێتە کرن و ژلایێ رێکخراوا IREX ڤە دهێتە برێڤەبرن.