An exhibition of 100 job opportunities was opened by Duhok Polytechnic University and WFP

03-12-2024

یشانگه‌ها 100 ده‌لیڤێن كاری ژلایێ زانكۆیا پۆلیته‌كنیكی دهۆك و رێكخراوا (WFP) هاتە ڤەکرن روژا پێنج شەمبی رێککەفتی 14\9\2023 دەمژمێر 10:00 سپێدێ و ب ئامادەبۆنا (د. عەلی تەتەر) پارێزگارێ دهۆکێ و(پ. د. ئاری عادل) سەرۆکا زانکۆیا پۆلیتەکنیکی یا دهۆک و (م. سەربەست رەئووف) نوینەرێ رێکخراوا WFP و راگرێن کولیژ و پەیمانگەهێن زانکۆیێ وهژمارەکا ماموستا و فەرمانبەران ، پیشانگه‌ها 100 ده‌لیڤێن كاری بۆ گەنج و لاوێن خوجهێن دهۆكێ و ئاواره‌ و په‌نابه‌ران ژلایێ زانکۆیا پۆلیتەکنیکی یا دهۆک ب هەفکاریا رێکخراوا خوراکا جیهانی WFP ڤە هاتە ڤەکرن دئەڤێ پیشانگەهێ دا 45 كومپانی و رێكخراوێن جیهانی و سەنتەرێن پارێزگەها دهۆکێ پشکدار بوونە و دێ دەلیڤەیا کاری بۆ 100 گەنج و لاوێن خوجهێن دهۆكێ و ئاواره‌ و په‌نابه‌ران بەردەست کەن ل دور ئەڤێ چەندێ (پ. هـ .د. رجب ایبراهیم حمید) هاریکارێ سەرۆکا زانکۆیێ گوت: زانكۆیا پۆلیتەکنیکی یا دهۆک و رێكخراوا خوراكا جیهانی دبه‌رده‌وامن لسه‌ر قوناغێن پروژه‌یێ جسور كو د پێنج هه‌یڤێن بوری دا خولا زمانێ ئینگلیزیێ و ته‌كنولوجیا زانیاریا ب رێكا ئونلاین بو 250 گه‌نج ولاوێن پارێزگه‌ها دهوكێ وئاواره‌ وپه‌نابه‌رێن سورى ڤه‌كر بوو، ودئه‌ڤی ماوه‌ییێ بوری دا هه‌یڤه‌كا راهێنانێ لسه‌ر كارسازى ولێزانینێن ژیانێ وره‌وشه‌نبیریا داراى کریە و دێ ئەڤ پیشانگەهە بۆ وێ چەندێ ڤەکریە کۆ ده‌رفه‌ته‌كا باشتر بۆ ئه‌ڤان گه‌نج و لاوان په‌یدا بکەت و وده‌رگه‌هێن مه‌زنتر بۆ ڤه‌كه‌ت كو بشێن ل پاشه‌روژه‌كا نێزیك كارى بده‌ستخوڤه‌بینن یان ببینه‌ خودان كارێن خو یێن تایبه‌ت. و ژلایێ خوڤە هاریکارێ سەرۆکا زانکۆیێ، سوپاسیا رێكخراوا (wfp) کر وئەو دونه‌رێن پشكدار كو پشته‌ڤانیا داراى ل ئه‌ڤى پروژه‌ى كرى، و پشته‌ڤانیه‌كا دارى پیشكێشى پشكداران ژی كریه‌، ل دوماهیێ ئاماژێ ب وێ چه‌ندێ کڕ کۆ ئه‌ڤی پروژه‌ی جودایه‌ك دگه‌ل گه‌له‌ك پروژه‌ و پروگرامێن دى هه‌بوو؟ چونكى هه‌مى پێداویستى بۆ پشكداران هاتبونه‌ ئاماده‌كرن مینا كومبیوتر وئه‌نترنیتێ.